Coba Nek Kowe Dadi Aku

Coba rasakno misale kowe dadi aku

Ngadeg ono ing sajroning wengi kanthi tratap-tratap ati

nyawang kahanan kang ora nguwati.

Coba nek kowe dadi aku

Akeh sek ngomong lan gandeng gegandengan nyipitke moto

seolah dosaku gumandhul neng awak lan ketoro.

Coba nek kowe neng posisiku

Ngrasakke tresno kang kahimpit rasa lara

Meski aku sadar aku yo ra suci lan sampurno

Coba nek kowe ki aku

Opo bakal teteg ati mlaku iring-iringan karo kasunyatan kang ora sesuai karo kekarepan

Opo bakal jembar segara menowo ono goda rencana sek iso luwih nyikso raga

Coba pikiren nek kowe dadi aku

Ora kurang-kurango dayaku anggonku nresnani kowe

Ibarat gelas plastik isih tak solatip

Gelas pecah isih tak pajang neng mejo

Dayaku ngruntuhke atimu malah kabentur lambe

Nganti seprene aku isih berusaha nampa

Ananging nganti saprene aku rung iso nemu ukara “lila legawa”